Serbski Firefox instalować

1. Serbske archiwowe wersije instalować

Wot wersije Firefox 1.5  sem stej  nimo serbskeho rěčneho pakćika tež programowej archiwaj za Windows (w formaće zip) a Linux (w formaće tar.gz). Tutej wersiji hižo kompletny program Firefox w serbskej rěči wobsahujetej. Trjebaće rěčny pakćik jenož potom, jeli sće originalnu jendźelsku wersiju Firefox hižo sćahnył a nochceće wobšěrny kompletny serbski archiw sćahnyć. Tež ći wužiwarjo, kotřiž Apple Macintosh dźěłaja, dyrbja rěčny pakćik wužić, dokelž dźěłowy system Mac OS mi k dispoziciji njesteji.

• Wubalenje archiwa zip

Zo byšće archiwowu dataju zip (na př. firefox-7.0.1.hsb.win32.zip) pod Windowsom wubalił, klikńće prosće na sćehnjenu dataju a wotpowědny program zwjazany z kóncowku zip so startuje. Wuzwolće cilowy rjadowak abo podajće nowy rjadowak, hdźež so wubalene dataje maja składować. Dźiće potom do wuzwoleneho abo wutworjeneho ciloweho rjadowaka a startujće dataju "firefox.exe". Za stajne wužiće wutworće programowy zwisk na Desktopje. Klikńće za to z prawej myšowej tastu na prózdne městno na Desktopje a zjewi so kontekstowy poskitk. Wuzwolće zapisk "Neu" a potom "Verknüpfung". Klikńće na "Verknüpfung" a zapodatne wokno "Verknüpfung erstellen" so zjewi. Klikńće tam na tłóčatko "Durchsuchen" a pytajće rjadowak, do kotrehož sće wubalene dataje składowali. Klikńće potom na dataju "firefox.exe", potom na tłóčatko "Öffnen". Nětko so kompletna šćežka w lince "Befehlszeile" steji. Klikńće na "Weiter" a dalše wokno z mjenom "Programmbezeichnung wählen" so zjewi. Zapodajće tam mjeno za programowy zwisk, na př. Firefox 7.0.1 a klikńće na tłóčatko "Fertigstellen". Wokno so začini a wohladaće zwisk Firefox 7.0.1 ze symbolom Firefox na Desktopje. Wot nětka sem, móžeće Firefox přeco z Desktopa startować.

• Wubalenje archiwa tar.bz2

Pod Linuxom wubaleće archiwowu dataju tar.bz2 z konsole abo terminalneho wokna. Podajće so do ciloweho zapisa z přikazom cd <cilowy zapis> a zapodajće:

tar -xvjf firefox-7.0.1.hsb.linux-i686.tar.bz2

do zapodatneje namołwy. Pod KDE móžeće tež grafiski komprimowanski program kaž ARK wužić.

Kedźbu: Jeli archiw njeinstalujeće do zapisa "Home", ale do druheho zapisa, trjebaće prawa administratora! Móžeće za to z konsole abo terminala přikaz su zapodać. Dyrbiće potom swoje administratorowe hesło zapodać. Alternatiwnje móžeće so při startowanju Linuxa jako root přizjewić. Podajće so potom do zapisa, hdźež su nětko wubalene dataje a startujće program Firefox přez klikńjenje na dataju "Firefox" (bjez datajoweje kóncowki!)

2. Serbski rěčny pakćik za Mozilla Firefox instalować

Nawod za instalaciju namakaće na tutej stronje pod adresu na tutej stronje.