Webowy wobglědowak Firefox dolnoserbski

Co jo Firefox?

Firefox jo tak pomjenjony webowy wobglědowak (browser), to jo program, z kótarymž móžośo se internetne boki wobglědaś. Dalšne znate wobglědowaki su SeaMonkey, Internet Explorer a Opera.

Firefox jo naslědnik browseroweje komponenty něgajšneje suity Mozilla, kótarejež dalejwuwiśe jo SeaMonkey. Na rozdźěl wót SeaMonkey, kótaryž jo pakśik programowych komponentow, jo Firefox lutny webowy wobglědowak, kótaryž wšak dajo se wó dodanki (programowe rozšyrjenja, za wudopołnjenje jogo funkcionality, a suknje, za pśeměnjenje jogo wenkownego wuglědanja.

Oficielne websedło za Firefox jo http://www.mozilla.org/products/firefox/. Toś te boki su engelske. Jolic cośo se nimski informěrowaś, woglědajśo se nimske websedło http://www.firefox-browser.de. Tam móžośo teke nimskorěcny Firefox ześěgnuś.

Firefox jo za rozdźělne źěłańske systemy (Windows, Linux, MacOS a t.d.). Dokradny pśeglěd namakajośo na http://www.mozilla.org/download.html. Pśeglěd wó rěcnych pakśikach abo cuzorěcne wersije za Firefox namakajośo na http://www.mozilla.com/firefox/all.html.