Hornjoserbski rěčny pakćik instalować

1. Firefox sćahnyć

Zo byšće serbskorěčnu wersiju Firefox dóstali, dyrbiće dwě sćehnjeni přewjesć. Jedne sćehnjenje za programowe dataje Firefox (poprawom jendźelska wersija za ZSA).

• Programowe dataje sćahnyć

Jendźelske programowe dataje wersije Firefox 70.0 namakaće pod tutej adresu (zapisk English (US)). Móžeće wězo hornjoserbski rěčny pakćik tež do němskorěčneho Firefox instalować (zapisk German).

• Serbskorěčne dataje sćahnyć

Hornjoserbski rěčny pakćik hsb.xpi namakaće na tutej stronje.

2. Hornjoserbski rěčny pakćik instalować

Po tym zo sće programowe dataje programa Firefox (hlej horjeka) a dataje serbskorěčneho pakćika sćahnyli a program Firefox instalowali, móžeće nětko serbski rěčny pakćik instalować.

Kedźbu: Čisle wersije programowych datajow a přisłušneho rěčneho pakćika dyrbitej jenakej być.

Na př. za Firefox wersiju 70.0 trjebaće tež rěčny pakćik wersije 70.0.

Maće dwě móžnosći instalacije: Klikńće na symbol z třomi hrjadami horjeka na wobrazowce a wubjerće zapisk Add-ons. W slědowacym woknje klikńće na Erweiterungen a tam na symbol ze zubatym koleskom a potom wubjerće Add-on aus Datei installieren.... Dźiće do rjadowaka, do kotrehož sće hsb.xpi sćahnył, wubjerće tutu dataju a wočińće dataju z kliknjenjom na tłóčatko Öffnen.

Klikńće potom na tłóčatko Jetzt installieren (z Abbrechen móžeće přetorhnyć) a sćěhujće instalaciju, doniž njeje zakónčena. Skónčnje widźice nowu kategoriju Sprachen w zrjadowaku přidatkow, hdźež je nowy hornjoserbski rěčny pakćik zapisany.

Druha móžnosć je: Klikńće z prawej tastu myški horjeka na městno rajtarkoweje lajsty a wubjerće potom Menüleiste, zo byšće menijowu lajstu pokazał. Dźiće potom do menija Datei a wubjerće zapisk Datei öffnen.... Dźiće do rjadowaka, do kotrehož sće hsb.xpi sćahnył, wubjerće tutu dataju a wočińće dataju z kliknjenjom na tłóčatko Öffnen.

3. Hornjoserbski pakćik aktiwizować

Nětko móžeće serbski Firefox z přikazoweje linki abo ze zwiska na desktopje z opcijomaj -UILocale hsb startować, na př. C:\Programme\Firefox\firefox.exe -UILocale hsb. Město C:\Programme\Firefox\ dyrbiće wězo šćežku wužiwać, kotraž k městnu wašeje Firefox-instalacije wjedźe, na přikład C:\Program Files (x86)\Firefox\.

Druha móžnosć je programowe rozšěrjenje Locale Switcher wot Benjamina Smedberga. Instalacija so kaž z rěčnym pakćikom přewjedźe, na př. z Datei - Datei öffnen.... Runje tak kaž rěčny pakćik so tute rozšěrjenje do zrjadowaka přidatkow (meni Extras - Add-ons) (Nastroje - Přidatki) zapisuje. Po znowastartowanju Firefox namakaće tłóčatko Sprachen (Rěče) w symbolowej lajsće a w meniju Extras (Nastroje) zapisk Sprachen (Rěče) z podzapiskomaj Němčina a (jeli sće hižo hornjoserbski rěčny pakćik instalował) Hornjoserbšćina.

Jako alternatiwu za Locale Switcher móžeće rozšěrjenje Simple Locale Switcher wužiwać, kotrež je trochu wobšěrniše a do hornjoserbšćiny přełožene.