Serbskorěcne dodanki

Co su dodanki?

Dodanki su małe programy, kótarež mógu wěstemu programoju nowe funkcije abo małe změny dodaś, togodla mě dodanki. Rozeznawaju se głownje rozšyrjenja, słowniki, dodanki, kótarež nowe pytawy dodawaju a drastwy.

Rozšyrjenja
Rozšyrjenja rozšyrjaju wěsty program wó nowe funkcije. Su faktiski nowe programowe module. Rozměra funkcijow jo pśi tom rozdźělna. Daju se někotare nowe funkcije dodaś, wótergi pak se tke jano jadna funkcija dodawa.
Słowniki
Słowniki su za pšawopisnu kontrolu. Daju se słowniki za wšake rěcy ześěgnuś, aby se pšawopisna kontrola w rozdźělnych rěcach pśewjasć dała.
Dodanki za pytawy
Toś te dodanki rozšyrjaju program wó nowe pytawy, z kótarymiž se Internet da pśepytaś.
Drastwy
Drastwa (engelski skin abo theme) změnja naglěd programa. Změny mógu cysto optiske byś abo teke se někakej wěstej temje pśiwobrośiś.

Žrědła za dodanki

Za programy Mozilla jo wjelgin wjele programowych dodankow za nejrozdźělnjejše funkcije, pśedewšym za Firefox, ale teke za SeaMonkey a Thunderbird. How někotare žrědła, źož móžośo dodanki namakaś:

http://addons.mozilla.org
To jo głowne žrědło za dodanki za programy Mozilla. Toś te boki su engelske, ale móžośo dołojce na kuždem boku nimčinu ako rěc wubraś.
http://www.mozdev.org
Dalšne websedło z dodankami w engelšćinje.