sorbillabanner

Programy ze serije Mozilla serbsce

Komputerowe programy serbsce - je to hišće rědkosć. To ma hłownje tři přičiny - wjele programow njeje "Open Source", to rěka, wono njeje za kóždeho přistupne, přełožowanje programow do rěčow narodnych mjeńšin so njedani a naposledku je wěsće přemało serbskich programowarjow. Njetrjebaš wšak programowar być, zo by komputerowe programy přełožił. Zahoritosć a elan dosahatej. A trochu zmužitosće na riziko. Riziko tohodla, dokelž dyrbiće so diskusiji wo najlěpšich serbskich zapřijećach wustajić, dokelž po mojim znajomstwje připóznata serbska komputerowa terminologija njeje.

Čehodla serbskorěčne komputerowe programy?

Budźeće so zawěsće prašeć, za čož tež trjebamy serbskorěčne komputerowe programy? Wězo móhli Serbja z němskorěčnymi programami dźěłać. Ale, zo by so serbšćina jako rěčana a pisana rěč wobchowała, dyrbi wona narokam přichoda wotpowědować, samo hdyž wona dyrbi zhubjeny teren z prócu wróćo dobyć. Štož nastupa komputerowu terminologiju, samo za němčinu strach wobsteji, zo wona jednoho rjaneho dnja hižo kmana njebudźe, zo by swójske komputerowe wurazy tworiła. Hižo dźensa wona wjele jendźelskich słowow wužiwa.

Kotre programy eksistuja?

Naslědne programy ze serije Mozilla su: Seamonkey (potomnik suity Mozilla), browser Firefox, póstowy program Thunderbird a HTML editor KompoZer a kalendrowy program Sunbird. Dalše informacije w hornjoserbskej rěči namakaće tež w hornjoserbskej Wikipediji: